Паводле афіцыйнага прадстаўніка Міністэрства абароны генэрал-маёра Ігара Канашэнкава, страты УС Расеі шматкроць меншыя за колькасьць «зьнішчаных нацыяналістаў» (так улады Расеі называюць украінскіх салдатаў. — РС).
«Расейскія вайскоўцы праяўляюць мужнасьць і гераізм у ходзе выкананьня баявых задачаў спэцыяльнай ваеннай апэрацыі».
«На жаль, ёсьць загінулыя і параненыя нашы таварышы», — сказаў Канашэнкаў. Іх колькасьць прадстаўнік Міністэрства абароны не ўдакладніў. Кажучы пра палонных сярод расейскіх вайскоўцаў, міністэрства акрэсьліла іх колькасьць як «трохі».
«Расейскімі ўзброенымі сіламі з пачатку спэцыяльнай ваеннай апэрацыі пашкоджаныя 1067 аб’ектаў вайсковай інфраструктуры Ўкраіны», — сказаў ён.
Украіна сьцьвярджае, што колькасьць забітых на яе тэрыторыі расейскіх салдатаў перасягнула 4 тысячы.
