Польшча з поўначы закрывае сваё неба для расейскіх авіякампаній
Рашэньне афіцыйна прынялі, ад поўначы расейскім самалётам закрыты рух у паветраную прастору Польшчы, праінфармаваў у твітэры прэс-сакратар ураду.
Кіеў: перамовы аб міры і гарантыях бясьпекі варта весьці ня ў Менску, а ў Будапэшцкім фармаце
Дэпутат Вярхоўнай Рады Ўкраіны, кіраўнік падкамітэту дзяржаўнай бясьпекі і абароны Фёдар Веніслаўскі лічыць малаімаверным правядзеньне перамоваў у Менску.
«Я мяркую, што перамовы з вар’ятам Пуціным сам-насам, які дазволіў сабе такія злачынствы супраць чалавецтва і супраць міру, ня могуць быць пляцоўкай, якая можа гарантаваць бясьпеку для Ўкраіны і аднаўленьня ўсёй яе тэрытарыяльнай цэласнасьці. Я лічу, што трэба залучыць міжнародныя пляцоўкі, прадугледжаныя дзейнымі міжнароднымі ўгодамі, падпісантамі якіх ёсьць Украіна і Расея», — сказаў Фёдар Веніслаўскі ў эфіры тэлеканалу «Рада».
Паводле яго, пляцоўкай можа стаць фармат з удзелам краін-падпісантащ Будапэшцкага мэмарандуму.
Фінскі Jokerit адмовіўся ад далейшага ўдзелу ў КХЛ
Фінская каманда Jokerit адмовілася працягваць выступленьні ў Кантынэнтальнай хакейнай лізе, фактычна адкрытым чэмпіянаце Расеі ў хакеі з шайбай. У кіраўніцтве лігі наракаюць на «палітычныя» прычыны рашэньня, ніяк не камэнтуючы распачатую Расеяй вайну ва Ўкраіне.
Раней Расея страціла права правесьці фінал футбольнай Лігі чэмпіёнаў у Санкт-Пецярбургу, этап «Формулы-1» у Сочы і шэраг іншых турніраў. Яшчэ да фінскіх хакеістаў адмовіліся ад выступленьняў у Лізе ВТБ баскетбалісты эстонскай каманды Kalev.
Кіеў: страты расейцаў за два дні вайны — 2800 чалавек
Намесьніца міністра абароны Ўкраіны Ганна Маляр пералічыла страты праціўніка ў вайне. Зь яе зьвестак вынікае, што расейцы толькі за два няпоўныя дні актыўных баявых дзеяньняў супраць Украіны страцілі 2800 чалавек асабовага складу і сотні адзінак вайсковай тэхнікі, што выкарыстоўвалася ў наступе на незалежную дзяржаву. Колькасьць зьбітых самалётаў і гелікоптэраў дасягнула 17.
Ціханоўская правяла тэрміновую сустрэчу з кіраўніком МЗС Францыі
У Парыжы Сьвятлана Ціханоўская сустрэлася зь міністрам замежных справаў Францыі Жан-Івам ЛЁ Дрыянам, які цяпер старшынюе ў Радзе міністраў краін ЭЗ. Літаральна празь некалькі гадзін у Брусэлі будуць абмяркоўваць рэжым Лукашэнкі, яго дзеяньні і ўдзел у кровапралітнай вайне супраць Украіны.
Шмат вайсковай тэхнікі пад Берасьцем. Фота са спадарожніка
Прапанова выканкаму МАК
Выканкам Міжнароднага алімпійскага камітэту (МАК) заклікаў перанесьці або скасаваць спартовыя падзеі, заплянаваныя цяпер у Расеі ці Беларусі, а таксама заклікаў спартовыя фэдэрацыі не вывешваць сьцягі гэтых дзяржаваў на ўсіх спаборніцтвах.
Міністэрства абароны Ўкраіны: за 30 гадзінаў зьбіта 6 расейскіх самалётаў
Намесьніца міністра абароны Ўкраіны Ганна Маляр паведаміла, што за 30 гадзінаў украінцы зьбілі 6 расейскіх самалётаў.
«Гэта вынік высокага баявога майстэрства ўкраінскага лётчыка-зьнішчальніка», — зазначыла Маляр.
Гарыць будынак СБУ ў Чарнігаве
2 расейскія набоі трапілі ў сядзібу Службы бясьпекі Ўкраіны ў Чарнігаве.
Папа Рымскі пайшоў на беспрэцэдэнтнае адхіленьне ад дыпляматычнага пратаколу. Францішак асабіста прыйшоў у амбасаду Расеі ў Ватыкане і выказаў амбасадару заклапочанасьць уварваньнем Расеі ва Ўкраіну.
Улады Херсона заявілі, што абарона горада зламаная
Страчаны кантроль над пераправай (Херсон стаіць на беразе Дняпра). Адміністрацыя заклікае насельніцтва не паддавацца паніцы.
24 лютага Міністэрства абароны Расеі паведаміла аб аднаўленьні падачы вады ў Паўночна-Крымскі канал пасьля высадкі дэсанту на падыходах да Херсону. Кіраўнік Крыма Сяргей Аксёнаў заявіў, што водная блякада паўвострава завершаная, піша РБК.
У Кіеўскай вобласьці ў выніку авіяўдараў загінулі чацьвёра і параненыя 15 мірных грамадзян
Старшыня Кіеўскай абласной дзяржаўнай адміністрацыі Аляксей Кулеба паведаміў аб ахвярах сярод цывільнага насельніцтва ў рэгіёне ў выніку авіяўдараў расейскімі войскамі.
«На жаль, маем страты сярод мірнага насельніцтва ў Палесьсі, Мар’янаўцы і Гаўрылаўцы. У Мар’янаўцыі, што ў Вышгарадзкім раёне, варожыя сілы цынічна нанесьлі авіяўдар па мірных жыхарах. На цяпер пацьверджана інфармацыя пра чатырох загінулых і больш як 15 параненых», — паведаміў Аляксей Кулеба.
Пуцін прапанаваў украінскім вайскоўцам «узяць уладу ў свае рукі»
«Бярыце ўладу ў свае рукі, падобна нам з вамі будзе лягчэй дамовіцца, чым з гэтай хэўрай наркаманаў і нэанацыстаў, якая засела ў Кіеве і ўзяла ў закладнікі ўвесь украінскі народ», — заявіў ён, перадае РБК.
Камітэт міністраў Рады Эўропы распачаў працэдуру прыпыненьня сяброўства Расеі ў Радзе Эўропы
Пра гэта паведамляе РБК.
Чэхія закрывае сваю паветраную прастору для расейскіх самалётаў
Пра гэта паведаміў кіраўнік Мінтрансу Чэхіі Марцін Купка, перадае РБК. Раней паветраную прастору для расейскіх авіякампаній закрыла Польшча.
У Львове ад сёньня ўвялі камэнданцкую гадзіну
Мэр Львова паведаміў аб увядзеньні з 25 лютага камэнданцкай гадзіны з 22:00 да 6-й раніцы. Паводле яго, гарадзкі транспарт будзе курсаваць да 21:00.
У большасьці гарадоў, па якіх учора Расея нанесла моцныя авіяўдары, камэнданцкую гадзіну ўвялі 24 лютага, у тым ліку ў Чарнігаве, Харкаўскай і Кіеўскай абласьцях, у Кіеве, Дняпры, Мікалаеве і Чаркаскай вобласьці і іншых.
«Едзем даць адпор Путлеру». Рэпартаж з польска-ўкраінскай мяжы
Польшча арганізавала гасьцінны прыём украінцаў, якія бягуць ад расейскай агрэсіі. Каля мяжы працуюць пункты прыёму ўцекачоў. Арганізаваны прыём украінцаў і на чыгуначным вакзале ў Перамышлі.
Чытайце рэпартаж Свабоды.
Расею выключылі з Рады Эўропы пасьля ейнага ўварваньня ва Ўкраіну
Пра гэта 25 лютага заявіў міністар замежных справаў Італіі Люіджы Ды Маё.
Раду Эўропы стварылі пасьля Другой усясьветнай вайны для абароны правоў чалавека і вяршэнства закону на ўсім кантынэнце. Беларусь выключана з Рады Эўропы ў 1996 годзе за грубыя парушэньні правоў і свабодаў.
Што на другі дзень вайны Расеі супраць Украіны пішуць пра яе беларускія дзяржаўныя СМІ
Стужкі дзяржаўных мэдыя напоўненыя перапостамі паведамленьняў афіцыйных расейскіх структураў. Украінскага пункту гледжаньня няма.
Пасла Беларусі выклікалі ў МЗС Вялікай Брытаніі праз дапамогу Расеі
Прычына выкліку пасла Максіма Ермаловіча — у падтрымцы, якую Беларусь аказвае расейскай агрэсіі, паведамляе ТАСС.