Грышка:
Хіба на год гэты можна забыцца?
Саўка:
Хто — у цюраге, а хто — за граніцай.
Грышка:
Гвалт, крывадушша, суцэльны тэрор.
Разам:
Пахне чабор.
Грышка:
Год васямнаццаць, а можа ўсе дваццаць
Сьвеціць тут тым, хто ня хоча скарацца.
Саўка:
Што тут за запах, таварыш маёр?
Разам:
Пахне чабор.
Саўка:
Я для сібя аканчацельна поняў:
Ад БЧБ будзь падальшэ з Пагоняй.
Лучшэ уж красна-зялёны дэкор.
Грышка:
Сьцяг і Пагоня заўжды будуць побач,
Хай часам хваляй накатвае роспач.
Водар разьліўся да сонца, да зор.
Разам:
Пахне чабор.
