Сьвятлана Ціханоўская 24 лістапада выступіла ў Эўрапарлямэнце, заклікаўшы яго дэпутатаў да больш рашучых дзеяньняў супраць беларускіх уладаў. «Цяпер у Беларусі больш палітычных зьняволеных, чым тут чальцоў палаты», — гэтыя словы экс-кандыдаткі ў прэзыдэнты Беларусі ў Брусэлі сустрэлі авацыяй.
У інтэрвію тэлеканалу «Настоящее время» адразу пасьля гэтага выступу Сьвятлана Ціханоўская расказала, якіх менавіта актыўных дзеяньняў яна чакае ад Эўразьвязу.
