Пра гэта Эдгарс Рынкевічс, міністар замежных справаў Латвіі, напісаў у сваім Твітэры
Сытуацыя на польска-беларускай мяжы небясьпечная, Латвія выказвае салідарнасьць і падтрымку нашым польскім сябрам і саюзьнікам, мы каардынуем свае дзеяньні ў рамках NATO і ЭЗ для абароны нашых межаў.
- Латвія ўлетку сутыкнулася з праблемай нелегальнай міграцыі з тэрыторыі Беларусі. З 10 жніўня былі спыненыя спробы 2273 чалавек незаконна перасекчы мяжу, а ўсяго з пачатку году былі затрыманыя 414 чалавек.
- Урад Латвіі ўвёў з 11 жніўня да 10 лістапада рэжым надзвычайнай сытуацыі на мяжы, каб надзяліць памежнікаў паўнамоцтвамі выдаляць мігрантаў назад у Беларусь, а пасьля падоўжыў яго дзеяньне да 10 лютага 2022 году.
- Падтрымку памежнікам ў ахове мяжы аказваюць войска і батальён спэцыяльнага прызначэньня паліцыі Латвіі.
