Большай лічба была толькі на самым пачатку міграцыйнага крызісу, 4 жніўня. Тады межы Літвы за суткі штурмаваў 321 чалавек, паведаміў Delfi.
9 жніўня літоўскія памежнікі ўсіх выяўленых мігрантаў не прапусьцілі ў краіну.
Літоўскія памежнікі таксама заявілі, што чулі каля 20 стрэлаў зь беларускага боку.
Адзін іракец спрабаваў праехаць у Літву як пасажыр аўтобуса. У яго літоўскія памежнікі выявілі падробленыя дакумэнты. Яго вярнулі ў Беларусь.
Днём раней, у панядзелак, было амаль у чатыры разы меней спробаў — 73.
Ад пачатку міграцыйнага крызісу ў жніўні літоўскія памежнікі разьвярнулі на мяжы 6298 мігрантаў. Больш за 4 тысячы чалавек па першым часе трапілі ў цэнтры ў міграцыйныя цэнтры Літвы, але потым улады краіны вырашылі больш не пускаць мігрантаў.
Каля паўтысячы мігрантаў перакінулі з-пад польскай мяжы
Уначы з панядзелка на аўторак каля літоўскай мяжы непадалёк ад беларускай вёскі Кадыш выявілі каля паўтысячы мігрантаў.
Тыя расказалі, што іх аддзялілі ад астатніх каля памежнага пераходу Брузгі — Кузьніца і прывезьлі з-пад польскай мяжы беларускія сілавікі.
Паводле мігрантаў, сілавікі сказалі ім, што павязуць у Польшчу. Калі людзі адмовіліся сядаць у машыны, людзі ў форме пачалі страляць у паветра. Па прыезьдзе мігрантам загадалі разьбіцца на дробныя групы па 5-7 чалавек, паведаміў Delfi.
