Пра затрыманьне шпіёна паведаміў прэс-сакратар каардынатара спэцслужбаў Польшчы Станіслаў Жарын, піша PAP.
«Чалавек, затрыманы Агенцтвам унутранай бясьпекі, зьяўляецца грамадзянінам Польшчы. Яго абвінавацілі ў шпіянажы (арт. 130 Крымінальнага кодэксу) на карысьць спэцслужбы КДБ Беларусі. Затрыманы служыў у ZOMO (спэцпадразьдзяленьне міліцыі Польшчы ў часы Варшаўскай дамовы, аналяг беларускага АМАП. — заўв. РС) з 1981 году, а потым у цывільнай міліцыі і паліцыі да 1999 году. Скончыў службу 20 гадоў таму ў якасьці афіцэра памежнай службы ў званьні лейтэнанта ў 2001 году», — гаворыцца ў паведамленьні прэс-сакратара.
12 кастрычніка суд арыштаваў падазраванага ў шпіянажы на тры месяцы.
Прэс -сакратар адзначыў, што нельга выключыць і далейшыя арышты ў гэтай справе, таму ён ня можа даць дадатковай інфармацыі ў гэты момант.
