Тыдзень таму сілавікі прыйшлі да яго з ператрусам. Цяпер ён знаходзіцца ў Кіеве.
Пра абставіны ад’езду ён распавёў у эфіры тэлеканалу «Настоящее время».
— Перш за ўсё хачу распытаць вас пра абставіны вашага адʼезду. У вас быў ператрус, вас затрымлівалі. Як вам удалося выехаць з Беларусі?
— Не, мяне не затрымлівалі. Ператрус быў, таму для таго, каб ня трапіць у непрыемную сытуацыю, я вымушаны быў пераехаць у свабодную краіну.
— У сувязі з чым быў ператрус?
— Ніхто ня ведае. Вось гэта асаблівасьць Беларусі, што ператрус можа быць зь любой пазыцыі, а ў кантэксьце зьменаў у заканадаўства аб нацыянальнай і інфармацыйнай бясьпецы я парушаю такога кшталту пункты практычна дзесяць разоў на дзень.
— Гэта значыць да вас прыходзяць сілавікі, нешта шукаюць, але пры гэтым не паведамляюць, што ў вас шукаюць?
— Так, не паведамляюць. У Беларусі гэта ўжо, на жаль, норма паводзін уладаў.
— Як вы пакідалі Беларусь? Ці было гэта бесперашкодна?
— Паколькі я пакідаў усё праз Расею, то гэта адносна бесперашкодна, але дарога працягвалася 48 гадзінаў.
