«Калі мы за пяцігодку па 700-800 даляраў сярэдні заробак па краіне будзем мець — гэта ўжо нядрэнна, а 1000 — выдатна», — піша ягоная прэс-служба.
Лукашэнка таксама зрабіў акцэнт на неабходнасьці «падцягнуць зарплату нізкааплатных катэгорый», чый узровень даходаў звычайна знаходзіцца на адзнацы менш за сярэдні заробак па краіне.
Больш за 10 гадоў таму, яшчэ падчас так званага Ўсебеларускага народнага сходу ў сьнежні 2010-га, Лукашэнка заяўляў: да канца пяцігодкі (2015 год) сярэдні заробак па краіне наблізіцца да 1000 даляраў у эквіваленце. Потым гэта паўтаралі чыноўнікі на ўсіх узроўнях, але абяцанага росту так і не адбылося. Урэшце ўлады спыніліся на плянах «кожнаму — па пяцьсот».
Паводле дадзеных афіцыйнай статыстыкі, на якія спасылаецца агенцтва БелаПАН, сярэдні намінальны налічаны заробак у красавіку ў параўнаньні з сакавіком вырас на 13,5 рубля (1%) і склаў 1398 рублёў (прыкладна 550 даляраў). Гэта дзякуючы заробкам у Менску, бальшыня працаўнікоў у рэгіёнах такіх заробкаў ня мае.
