Караджычу цяпер 75 гадоў. У 2016 годзе трыбунал па былой Югаславіі ў Гаазе прысудзіў яму 40 гадоў пазбаўленьня волі, прызнаўшы вінаватым у генацыдзе басьнійскіх мусульманаў у Срэбраніцы ў 1995 годзе. Тады былі забітыя больш за 8 тысяч чалавек.
У 2019 годзе апэляцыйная інстанцыя павялічыла Караджычу тэрмін да пажыцьцёвага — яго прызналі вінаватым у шэрагу іншых злачынстваў супраць чалавечнасьці і ваенных злачынствах, у тым ліку за ягоную ролю ў арганізацыі кампаніі этнічных чыстак падчас вайны ў Босьніі і ў аблозе Сараева ў 1992–1994 гадах.
Былога лідэра басьнійскіх сэрбаў арыштавалі ў Бялградзе ў 2008 годзе. Больш за 12 гадоў ён хаваўся.
Акрамя Караджыча, паводле абвінавачаньняў у генацыдзе на пажыцьцёвае зьняволеньне быў асуджаны камандуючы сіламі басьнійскіх сэрбаў Ратка Младзіч. 8 чэрвеня суд у Гаазе агучыць рашэньне па ягонай апэляцыі на прысуд.
