Ермаловіч зрабіў гісторыю Літвы беларускай

29 красавіка 2021 году споўнілася 100 гадоў з дня нараджэньня Міколы Ермаловіча, беларускага гісторыка, якога называюць клясыкам беларускай рамантычнай гістарыяграфіі. Прыметнік «рамантычная» паказвае на тое, што ня ўсе згодныя з канцэпцыяй, якую Мікола Ермаловіч распрацоўваў. А гэта адмаўленьне заваёвы літоўцамі беларускіх зямель. Наадварот, Ермаловіч сьцьвярджаў, што старажытны Наваградак запрасіў Міндоўга на княжаньне і заваяваў Літву, якая, паводле Ермаловіча, знаходзілася на тэрыторыі сучаснай Беларусі на паўночны ўсход ад Менску. Пра канцэпцыю Міколы Ермалвіча і яе значэньне мы гаворым зь беларускім гісторыкам-мэдыевістам, кандыдатам гістарычных навук Алегам Дзярновічам.