Гэта першы выпадак, калі SpaceX змагла правесьці ўдалую пасадку прататыпу Starship. На кадрах відаць, як частка касьмічнага карабля падчас прызямленьня загарэлася. Празь некалькі хвілін ён выбухнуў. Нягледзячы на гэта, кампанія SpaceX задаволеная выпрабаваньнямі.
Заснавальнік кампаніі Ілан Маск напісаў у твітэры, што Starship прызямліўся цэлым. Выбух прататыпу карабля ён пакуль ніяк не камэнтаваў.
Палёт 3 сакавіка стаў трэцім выпрабавальным запускам Starship. Два мінулых запускі праходзілі 10 сьнежня і 3 лютага, у абодвух выпадках ракеты выбухнулі і разбурыліся пры пасадцы.
