Лінкі ўнівэрсальнага доступу

Віцябляніна асудзілі на год «хіміі» за «зьдзек» зь дзяржаўнага сьцяга


Дзяржаўны сьцяг, ілюстрацыйнае фота
Дзяржаўны сьцяг, ілюстрацыйнае фота

Суд Кастрычніцкага раёну Віцебску асудзіў 24-гадовага грамадзяніна Ш. на 1 год абмежаваньня волі з накіраваньнем у папраўчую ўстанову адкрытага тыпу.

Як паведамляе сайт Вярхоўнага суду, маладога чалавека прызналі вінаватым паводле артыкула 370 Крымінальнага кодэксу.

Згодна з судовым рашэньнем, абвінавачаны ў стане алькагольнага ап’яненьня знаходзіўся каля крамы «Веста» ў Віцебску. На вачах у сьведак ён дастаў з насьценнага кранштэйна флягшток зь дзяржаўным сьцягам і дэманстратыўна кінуў яго на зямлю. У выніку наверша флягштока разьбілася. Маёмасную шкоду крама ацаніла ў 21,77 рубля.

Вярхоўны суд паведамляе, што грамадзянін цалкам прызнаў віну, «чыстасардэчна раскаяўся і пакрыў шкоду».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG