Лінкі ўнівэрсальнага доступу

 
Нарвэскі пакупнік беларускіх калійных угнаеньняў Yara падтрымаў Міжнародны дзень салідарнасьці зь Беларусьсю

Нарвэскі пакупнік беларускіх калійных угнаеньняў Yara падтрымаў Міжнародны дзень салідарнасьці зь Беларусьсю


Акцыя салідарнасьці зь Беларусьсю ў кампаніі Yara International
Акцыя салідарнасьці зь Беларусьсю ў кампаніі Yara International

Эўрапейская вытворчая рада нарвэскай кампаніі Yara International, якая купляе беларускія калійныя ўгнаеньні, падтрымала ініцыяваны Сьвятланай Ціханоўскай Міжнародны дзень салідарнасьці зь Беларусьсю, які пройдзе 7 лютага.

Рада «падтрымлівае барацьбу беларускага народу за дэмакратыю і ўмацаваньне правоў працоўных», «асуджае палітычныя рэпрэсіі і зьвязаныя зь імі гвалт і арышты». «Правы чалавека павінны выконвацца заўсёды», — падкрэсьліваецца ў заяве, разьмешчанай на сайце Yara.

Раней генэральны дырэктар Yara International Свайн Тур Гульсэтэр і іншыя прадстаўнікі кампаніі заявілі, што падзяляюць пазыцыю нарвэскага ўраду аб падтрымцы дэмакратычнай Беларусі і правоў чалавека. Нарвэжцы двойчы прыяжджалі ў Беларусь і сустракаліся з кіраўніцтвам «Беларуськалію» (18 верасьня і 10 сьнежня 2020 году) з нагоды страйку працоўных і ўмоваў працы на прадпрыемстве. Гульсэтэр адзначыў, што «парог непрымальнасьці сытуацыі на „Беларуськаліі“ ўжо пройдзены», будуць разглядацца новыя магчымасьці ціску на беларускіх партнэраў і спосабы дапамогі страйкоўцаў.

У студзені экс-кандыдат у прэзыдэнты Беларусі Сьвятлана Ціханоўская накіравала Гульсэтэру ліст, у якім заклікала кампанію прыпыніць кантракт зь «Беларуськаліем» і дапамагчы работнікам прадпрыемства, якія далучыліся да страйку. Яна выказала падзяку Yara за пазыцыю, аднак нягледзячы на спробы нарвэсцаў наладзіць дыялёг з топ-мэнэджмэнтам «Беларуськалію» ўзровень рэпрэсій расьце. Як найменей 55 супрацоўнікаў былі звольненыя за страйк і выказваньне сваёй пазыцыі, адзначыла Ціханоўская. Сустаршыня страйкаму Анатоль Бокун амаль два месяцы правёў у турме. Член страйкаму «Беларуськалію» Дзьмітры Кудзялевіч быў затрыманы і ўцёк проста з аддзелу КДБ ва Ўкраіну.

Паколькі больш за 130 рабочых застаюцца ў страйку, Ціханоўская заклікала Yara стварыць фонд дапамогі страйкоўцам. Гэта, на яе думку, стала б прыкладам для іншых заходніх фірмаў, якія маглі б стварыць міжнародны фонд салідарнасьці зь беларускімі рабочымі.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG