Найбуйнейшая ў сьвеце эканоміка вырасла за пэрыяд з кастрычніка па сьнежань 2020 года на 1%. Гэта значна менш, чым у 3 квартале 2020 году, калі эканоміка вырасла на 7,5%.
Як паведамляюць у Міністэрстве гандлю, амэрыканская эканоміка скарацілася на 3,5% у 2020 годзе ў параўнаньні з папярэднім годам з прычыны рэзкага эканамічнага спаду, зьвязанага з пандэміяй, якая пачалася ў сакавіку. У 2019 годзе амэрыканская эканоміка вырасла на 2,2%.
Тым ня менш спад у 2020 годзе аказаўся не такім сур’ёзным, як прадказвалі некаторыя фінансісты год таму, калі ў ЗША былі зафіксаваныя першыя ўспышкі каранавірусу. Цяпер эканамісты прагназуюць магчымае аднаўленьне ў 2021 годзе — хутчэй за ўсё, у другой палове году, калі мільёны амэрыканцаў атрымаюць вакцыну.
Некаторыя экспэрты лічаць, што справы ў эканоміцы могуць наладзіцца ўжо ў студзені, бо былы прэзыдэнт Дональд Трамп пасьпеў падпісаць закон аб пакеце эканамічнай дапамогі на суму 900 мільярдаў даляраў.
