Пра гэта паведамляе тэлеканал ABC.
36-гадовы Адам Джонсан з Пэрышу, штат Флорыда, утрымліваецца ў турме акругі Пінэлас і чакае абвінавачаньня пасьля таго, як фэдэральныя прыставы затрымалі яго.
Мяркуецца, што Джонсан — гэта чалавек на фатаздымку, зробленым падчас нападу ў Капітолій ЗША прыхільнікаў Дональда Трампа ў сераду, дзе ён махае рукой на камэру, трымаючы трыбуну ў правай руцэ, паведамляюць сльедчыя.
Дзе цяпер сама трыбуна — пакуль невядома.
Амэрыканскія ўлады таксама затрымалі і выставілі абвінавачаньні жыхару штату Арызона Джэйкабу Энтані Чанслі, які, як мяркуецца, быў заўважаны падчас беспарадкаў у Кангрэсе 6 студзеня ў мядзьведжай шапцы з рагамі і дзідай. Як паведаміла ў суботу Міністэрства юстыцыі ЗША, Чанслі паўстаў перад судом сталічнага акругі Калюмбія.
Затрыманаму «шаману» інкрымінуюцца наўмыснае пранікненьне або знаходжаньне на закрытай тэрыторыі без законных на тое падставаў, гвалтоўнае ўварваньне і парушэньне грамадзкага парадку ў Капітоліі.
