Эўразьвяз цягам 2020 году ўводзіў свае візавыя і маёмасныя санкцыі супраць беларускіх уладаў у тры этапы.
Першы санкцыйны сьпіс абнародаваны 2 кастрычніка. У ім апынуліся 40 беларускіх чыноўнікаў: кіраўнікі і старшыя афіцэры МУС, КДБ, сябры ЦВК ды іншыя асобы, датычныя да фальшаваньня выбараў і да палітычных рэпрэсій.
Першы этап санкцый
2 кастрычніка Эўразьвяз, на дадатак да «чорнага сьпісу», які існаваў на той момант і ў які ўваходзілі Ўладзімер Навумаў, Віктар Шэйман, Юры Сівакоў і Дзьмітры Паўлічэнка, датычныя да зьнікненьня ў Беларусі апанэнтаў улады ў 1999–2000 гадах, ухваліў новы санкцыйны сьпіс: увёў санкцыі супраць 40 беларускіх чыноўнікаў — кіраўнікоў і старшых афіцэраў МУС, КДБ, чальцоў ЦВК, былога генэральнага пракурора.
Прадстаўнікі сілавых структураў, пасады на момант агучваньня рашэньня:
Юры Караеў — міністар унутраных спраў
Генадзь Казакевіч — першы намесьнік міністра ўнутраных спраў
Аляксандар Барсукоў — намесьнік міністра ўнутраных спраў
Сяргей Хаменка — намесьнік міністра ўнутраных спраў
Юры Назаранка — намесьнік міністра ўнутраных спраў
Хазалбек Атабекаў — намесьнік камандуючага ўнутранымі войскамі МУС
Аляксандар Быкаў — камандзір спэцыяльнага атраду хуткага рэагаваньня ўнутраных войскаў МУС
Аляксандар Шэпелеў — кіраўнік дэпартамэнту аховы МУС
Дзьмітрый Балаба — камандзір АМАП ГУУС Менгарвыканкаму
Іван Кубракоў — кіраўнік ГУУС Менгарвыканкаму
Максім Гамола — намесьнік начальніка Маскоўскага РУУС Менску
Аляксандар Аляшкевіч — першы намесьнік начальніка Маскоўскага РУУС Менску
Андрэй Галенка — намесьнік начальніка Маскоўскага РУУС Менску
Аляксандар Васільеў — начальнік УУС Гомельскага аблвыканкаму
Алег Шулякоўскі — першы намесьнік начальніка УУС Гомельскага аблвыканкаму
Анатоль Васільеў — начальнік УУС Гомельскага аблвыканкаму
Аляксандар Астрэйка — начальнік УУС Берасьцейскага аблвыканкаму
Максім Міховіч — камандзір АМАП УУС Берасьцейскага аблвыканкаму
Леанід Жураўскі — камандзір АМАП УУС Віцебскага аблвыканкаму
Міхаіл Дамарнацкі — камандзір АМАП УУС Гомельскага аблвыканкаму
Іван Сакалоўскі — былы начальнік менскага цэнтру ізаляцыі правапарушальнікаў на 1-м завулку Акрэсьціна
Валеры Вакульчык — дзяржсакратар Савету бясьпекі, экс-старшыня КДБ
Сяргей Церабаў — першы намесьнік старшыні КДБ
Дзьмітры Равуцкі — намесьнік старшыні КДБ
Уладзімер Калач — намесьнік старшыні КДБ
Алег Чарнышоў — намесьнік старшыні КДБ
Аляксандар Канюк — былы генэральны пракурор Беларусі.
Кіраўнікі і чальцы Цэнтравыбаркаму:
Лідзія Ярмошына — старшыня Цэнтральнай камісіі ў выбарах і правядзеньні рэспубліканскіх рэфэрэндумаў
Вадзім Іпатаў — намесьнік старшыні Цэнтравыбаркаму
Алена Дмухайла — сакратар Цэнтравыбаркаму
Андрэй Гуржы — чалец Цэнтравыбаркаму
Вольга Дарашэнка — чалец Цэнтравыбаркаму
Сяргей Каліноўскі — чалец Цэнтравыбаркаму
Сьвятлана Кацуба — чалец Цэнтравыбаркаму
Аляксандар Ласякін — чалец Цэнтравыбаркаму
Ігар Плышэўскі — чалец Цэнтравыбаркаму
Марына Рахманава — чалец Цэнтравыбаркаму
Алег Сьліжэўскі — чалец Цэнтравыбаркаму
Ірына Цалікавец — чалец Цэнтравыбаркаму.
Другі этап санкцый
6 лістапада сьпіс быў пашыраны, у яго дадалі яшчэ 15 чыноўнікаў, у тым ліку Аляксандра і Віктара Лукашэнкаў, а таксама кіраўніка прэзыдэнцкай адміністрацыі і прэс-сакратарку, старшыню КДБ, старшыню Сьледчага камітэту, старшыню Канстытуцыйнага суду і іншых асобаў з найвышэйшага кіраўніцтва.
Аляксандар Лукашэнка — абвешчаны ЦВК пераможцам выбараў 9 жніўня, не прызнаны за легітымнага прэзыдэнта краінамі Эўразьвязу, ЗША і іншымі дзяржавамі сьвету
Віктар Лукашэнка — памочнік прэзыдэнта па нацыянальнай бясьпецы
Ігар Сергеенка — кіраўнік адміністрацыі прэзыдэнта
Іван Тэртэль — старшыня КДБ
Раман Мельнік — начальнік Галоўнага ўпраўленьня аховы правапарадку і прафіляктыкі МУС
Іван Наскевіч — старшыня Сьледчага камітэту
Аляксей Волкаў — экс-першы намесьнік старшыні Сьледчага камітэту, старшыня Дзяржаўнага камітэту судовых экспэртызаў
Сяргей Аземша — намесьнік старшыні Сьледчага камітэту
Андрэй Смаль — намесьнік старшыні Сьледчага камітэту
Андрэй Паўлючэнка — кіраўнік Апэратыўна-аналітычнага цэнтру пры прэзыдэнце
Ігар Бузоўскі — намесьнік міністра інфармацыі
Натальля Эйсмант — прэс-сакратарка прэзыдэнта
Сяргей Зубкоў — камандзір групы «Альфа» (спэцназ)
Андрэй Раўкоў — былы дзяржаўны сакратар Рады бясьпекі
Пётар Міклашэвіч — старшыня Канстытуцыйнага суду
Трэці этап санкцый
17 сьнежня Рада Эўразьвязу зацьвердзіла новы пакет санкцыяў адносна Беларусі. Пад абмежаваньні трапілі яшчэ 29 фізычных асобаў і 7 юрыдычных.
Фізычныя асобы:
Анатоль Сівак — віцэ-прэм’ер ураду Беларусі
Іван Эйсмант — кіраўнік Нацыянальнай тэлерадыёкампаніі
Уладзімер Каранік — памочнік прэзыдэнта па Горадзенскай вобласьці (экс-міністар аховы здароўя)
Натальля Качанава — старшыня Савету Рэспублікі
Ігар Луцкі — міністар інфармацыі
Павал Лёгкі — экс-намесьнік міністра інфармацыі
Андрэй Швед — генэральны пракурор
Генадзь Богдан — намесьнік кіраўніка спраў прэзыдэнта
Ігар Бурмістраў — першы намесьнік камандуючага ўнутранымі войскамі
Арцём Дунько — старшы інспэктар Дэпартамэнту фінансавых расьсьледаваньняў КДК
Алег Каразей — начальнік упраўленьня прафіляктыкі МУС
Дзьмітры Кур’ян — намесьнік начальніка галоўнага ўпраўленьня аховы правапарадку і прафіляктыкі МУС
Аляксандар Турчын — старшыня Менаблвыканкаму
Дзьмітры Шумілін — намесьнік начальніка аддзелу масавых мерапрыемстваў ГУУС Менгарвыканкаму
Віталь Стасюкевіч — намесьнік начальніка міліцыі грамадзкай бясьпекі Горадні
Сяргей Каліньнік — начальнік Савецкага РУУС Менску
Віктар Станіслаўчык — намесьнік начальніка Савецкага РУУС Менску
Вадзім Прыгара — начальнік Маладэчанскага РАУС
Вікторыя Шабуня — судзьдзя Цэнтральнага раённага суду Менску
Аляксандар Петраш — судзьдзя Цэнтральнага раённага суду Менску
Юлія Густыр — судзьдзя Цэнтральнага раённага суду Менску
Алена Жывіца — судзьдзя Кастрычніцкага раёну Менску
Алена Някрасава — судзьдзя Заводзкага раённага суду Менску
Марына Фёдарава — судзьдзя Савецкага раённага суду Менску
Алена Літвіна — судзьдзя Ленінскага раённага суду Менску
Натальля Дзядкова — судзьдзя Партызанскага раённага суду Менску
Андрэй Лагуновіч — судзьдзя Савецкага раённага суду Гомля
Аляксандар Шакуцін — бізнэсовец з атачэньня Лукашэнкі
Мікалай Верабей — бізнэсовец з атачэньня Лукашэнкі.
Юрыдычныя асобы:
ЗАТ «Белтэхэкспарт»
«Дана Холдынгз/Дана Астра»
Кіраўніцтва спраў прэзыдэнта Рэспублікі Беларусь
ТАА «Сінэзіс»
ААТ «АГАТ — электрамэханічны завод»
ААТ «140-ы рамонтны завод»
ААТ «Менскі завод колавых цягачоў».
Прычынамі санкцыяў сталі рэпрэсіі супраць мірных дэманстрантаў пасьля прэзыдэнцкіх выбараў: адвольныя арышты і жорсткае абыходжаньне, у тым ліку катаваньне, а таксама запалохваньне журналістаў і гвалт над імі.
Акрамя таго — парушэньні правілаў прэзыдэнцкіх выбараў, невыкананьне асноўных міжнародных стандартаў справядлівасьці і празрыстасьці выбараў, адхіленьне на ўяўных падставах ад выбарчай кампаніі апазыцыйных кандыдатаў, стварэньне абмежаваньняў для назіральнікаў на выбарчых участках, перадузятае фармаваньне выбарчых камісіяў.
