Заснавальніца і дырэктар «Прэс-клюбу» знайшліся на Акрэсьціна

Бацьку затрыманага Сяргея Альшэўскага паведамілі, што ягоны сын на Акрэсьціна. Іншых падрабязнасьцяў ён ня ведае.

«Патэлефанавалі і сказалі, што сын на Акрэсьціна. У чым справа, з чым гэта зьвязана, невядома», — сказаў ён.

Там жа і Юлія Слуцкая, расказала яе дачка Аляксандра. Нейкіх іншых зьвестак пра маці яна ня мае.

ГЛЯДЗІЦЕ ТАКСАМА:

5 чалавек затрымалі, яны на Акрэсьціна. Што вядома пра справу «Прэс-клюбу»

На дадзены момант у справе Прэс-клюбу затрыманыя:

Заснавальніца «Прэс-клюбу», журналістка Юлія Слуцкая

Супрацоўнік «Прэс-клюбу», сын Юліі — Пётар Слуцкі

Праграмная дырэктарка «Прэс-клюбу» Ала Шарко

Дырэктар «Прэс-клюбу» Сяргей Альшэўскі

Дырэктар «Акадэміі Прэс-клюбу» Сяргей Якупаў.

ГЛЯДЗІЦЕ ТАКСАМА:

Сілавікі прыйшлі зь ператрусамі да кіраўніцтва «Прэс-клюбу». У аэрапорце затрымалі Юлію Слуцкую

Пазьней стала вядома, што ў турму на Акрэсьціна мінімум на 72 гадзіны зьмешчаныя Ала Шарко, Сяргей Якупаў і Пётар Слуцкі.

У Камітэце дзяржкантролю паведамілі, што «праводзіцца праверка па факце парушэньня падатковага заканадаўства».