Менск. Сілавікі нясуць непрытомнага чалавека
У раёне станцыі мэтро «Пушкінская», сілавікі нясуць у бусік чалавека, які, праўдападобна, страціў прытомнасьць.
У Dana Mall зачынілі ўваход і выключылі інтэрнэт
Калёна, якая рухалася па Філімонава, дайшла да гандлёвага цэнтру Dana Mall, дзе іх сустрэлі аўтазакі.
"Было чалавек 500 ці 700. Некалькі затрымалі, хтосьці разьбегся па дварах, — расказаў чытач Онлайнера. — Частка людзей пасьпела забегчы ў Dana Mall, пасьля гэтага галоўны ўваход зачынілі. Ахоўнік сказаў нам, што так загадалі зрабіць сілавікі, а потым па гучнай сувязі абвясьцілі, што дзьверы зачынена па тэхнічных прычынах. Пасьля гэтага ў ГЦ адключылі інтэрнэт: карты не працуюць, усё стаіць, — распавядае сьведка.
Зачынялі ўваход і ў гіпэрмаркет Green City на Каменнай Горцы — у раёне шмат сілавікоў.
Берасьце. Калёна скандуе: «Верым, можам, пераможам!» і «Я выхожу!»
Разгоны ва Ўруччы і на «Пушкінскай»
В Уруччы, дзе сфармавалася даволі вялікая калёна, адбыўся разгон пратэстоўцаў. Гэта адбылося за хвіліну да таго, як было зьнята відэа.
Менск, Дамброўка. Калёна аднавілася пасьля разгону
Нягледзячы на разгоны і затрыманьні, людзі працягваюць маршы
Затрыманьні ў многіх раёнах Менску
- Онлайнер паведамляе, што людзей затрымлівалі на Адзінцова, Лабанка, у ДАмброўцы, ва Ўруччы і Лошчыцы. Міліцыя пакуль не камэнтуе затрыманьні.
- Ва Ўруччы сёньня паўторна (трэці раз!) затрымалі лекара-нэўроляга Руслана Бадамшына, паведамляюць «Белые халаты».
- Таксама затрыманы сябра асноўнага складу Каардынацыйнай рады эканаміст Дзьмітры Крук.
- Праваабаронцы «Вясны» агулам называюць прозьвішчы ўжо 16 затрыманых, сьпіс дапаўняецца.
Жодзіна. Затрымалі жанчыну са сьцягам
Натоўп сілавікоў забірае у мужчыны бел-чырвона-белы сьцяг
Што адбываецца ў рэгіёнах
- У Жодзіне людзі спрабавалі сабрацца на марш, але іх разагналі.
- Гомель. Тут фактычна няма акцыі пратэсту, бо вельмі шмат міліцыі і АМАПу на Савецкай вуліцы. Людзі гуляюць сем'ямі ці невялікімі кампаніямі без сымболікі. Тым ня менш ужо як мінімум трох чалавек затрымалі
- Горадня. У мікрараёне Вішнявец затрымалі як найменей 4 чалавекі. Туды прыйшла калёна з прыкладна 20 чалавек без сымболікі. Да іх пад'ехалі 3 мікрааўтобусы зь людзьмі ў масках, начальнік АМАПу Віктар Краўцэвіч і намесьнік начальніка ЎУС Горадзенскага аблвыканкаму Віталь Стасюкевіч. Людзей затрымлівалі ў тым ліку ў дварах людзі ў цывільным
- Таксама на акцыі сёньня выйшлі ў іншых гарадах (Заслаўе, Ракаў, Ліда, Фаніпаль, Жодзіна, Дзяржынск і інш.)
Разгон у мікрараёне Дамброўка
Салавікі разагналі людзей на Варанянскага
Але, як нам пішуць відавочцы, яны зноў зьбіраюцца ў калёну.
Канфлікт з сілавікамі ў Бараўлянах
Жыхары абступілі бус сілавікоў і не дазволілі яму выехаць. АМАП ужыў газавы балёнчык, паведамляе Онлайнер.
Калёны аб'ядналіся ва Ўруччы
Сілавікі ганяюцца за людзьмі на Матусевіча
У розных раёнах Менску сфармавана каля 20 калён
Пра гэта паведамляе Tut.by.
Першыя затрыманьні ў Менску
У Лошчыцы сілавікі пахапалі людзей.
Менск. Паўднёвы Захад
Яшчэ адзін раён выйшаў на шпацыр
Шэсьці ў Малінаўцы і ў каля ЖК «Маяк Менск»