На праспэкце Пушкіна сфармавалася калёна
Калёна пратэстоўцаў заняла праезную частку каля крамы «Богатырь» ля мэтро «Пушкінская». Людзей некалькі тысяч, узьнялі нацыянальныя сьцягі, скандуюць: «Я выходжу!», «Жыве Беларусь!»
Паведамляюць таксама пра зьяўленьне калёны пратэстоўцаў ля «Менск-Арэны».
Некалькі тысяч чалавек на праспэкце Пушкіна
На скрыжаваньні Прытыцкага і Пушкіна сілавікі ў чорным разьбілі людзей на некалькі групаў.
Пратэстоўцы спрабавалі сабрацца ў адну калёну, але ім не даюць. Каля «Макдональдза» пачаліся затрыманьні. Тут каля дзясятка мікрааўтобусаў і два аўтазакі
Менск. Дзясяткі жанчын заступіліся за чалавека каля «Пушкінскай»
Гомель. У цэнтры гораду пачаліся затрыманьні
Горадня. 200 чалавек каля мэмарыялу на месцы Фары Вітаўта
Каля мэмарыялу на месцы Фары Вітаўта сабраліся ўжо каля 200 чалавек.
На «Пушкінскай» усё больш людзей
У дварах на «Пушкінскай» пачаліся хапуны
Сілавікі схапілі аднаго хлопца; каб адбіць яго, прыбеглі іншыя людзі.
АМАП б'е затрыманых.
Менск. Міліцыя перакрывае пад'езды да «Пушкінскай»
Менск. Сілавікі пагналі групу людзей на вуліцу Янкі Маўра
Людзі крычаць «Трыбунал». Усе дарогі да мэтро «Пушкінская» перакрытыя, на скрыжаваньне Прытыцкага і Пушкіна трапіць цяжка, але людзі ідуць групамі.
Менск. На «Пушкінскай» утвараецца калёна дэманстрантаў
Нягледзячы на затрыманні, шмат людзей сабралася на Пушкінскай, утвараецца калона дэманстрантаў.
Гомель. Некалькі дзясяткаў чалавек сабраліся ў цэнтры
Каля 60 чалавек спрабуюць зладзіць марш. Яны ідуць па Савецкай у бок плошчы Леніна, пэрыядычна іх спыняе міліцыя.
Менск. Людзі зьбіраюцца на «плошчы Перамен»
Менск. Масавыя затрыманьні на «Пушкінскай», сілавікі прымянілі газ
Супраць людзей на «Пушкінскай» сілавікі прымянілі сьлезацечны газ. Затрыманьні на працягваюцца ўвесь час, але людзі працягваюць зьбірацца там.
Менск. Дзяткі аўтобусаў сілавікоў і аўтазакаў ля «Пушкінскай»
Бабруйск. Зьнішчалі мэмарыял Бандарэнку і затрымалі ўсіх, хто быў побач
У Бабруйску двойчы зьнішчалі мэмарыял Раману Бандарэнку ля помніка ахвярам палітычных рэпрэсіяў. Першы раз у суботу аб 11й вечара. Людзі аднавілі яго і вартавалі ўсю ноч.
Сёньня а палове на 11-ю яго зноў зьнічшчылі, а ўсіх, хто быў побач, затрымалі.
Менск. Адно з затрыманьняў на «Пушкінскай»
Там працуе і АМАП, і «Алмаз», і байцы без апазнавальных знакаў.
Людзі пачынаюць выходзіць на праезную частку праспэкту Пушкіна. Працягваюцца затрыманьні каля мэмарыялу. Машыны сыгналяць.
Менск. Сілавікі правяраюць тэлефоны мінакоў
Сілавікі правяраюць тэлефоны людзей, якія сабраліся каля мэмарыялу Тарайкоўскаму.
У Менску затрымалі журналістаў
На «Пушкінскай» у Менску затрымалі журналіста расейскага ТАСС Юрыя Шамшура і карэспандэнта беларускага дзяржаўнага агенцтва БелТА Андрэя Пакумейку, піша Tut.by. Яны былі ў камізэльках «Прэса»
Канал «Настоящее время» расказвае пра «Марш сьмелых» у жывым эфіры
Раніца ў «двары Перамен» у Менску, на месцы, дзе захапілі Рамана Бандарэнку. ВІДЭА
«Плошча Перамен» раніцай 15 лістапада. Там застаюцца людзі, падыходзяць іншыя, ускладаюць кветкі ў двары. Мэмарыял Рамана Бандарэнкі за ноч не кранулі.