У Гомлі затрымалі траіх журналістаў
У Гомлі затрымалі журналістаў Алену Бычкову (Tut.by і «Народная воля»), Алену Германовіч (БелаПАН) і Паўла Міцкевіча («Камсамольская праўда»), піша Tut.by.
Шэсьце ў Віцебску
Менск: пратэстоўцаў выціснулі зь Юбілейнай, але людзі зьбіраюцца зноў
Зь Юбілейнай плошчы спачатку выціснулі пратэстоўцаў — людзі разьбегліся ў розныя бакі, фармуюць чарговыя калёны. Хутка шмат людзей зноў сабраліся на Юбілейнай.
Частка пратэстоўцаў вяртаецца да Стэлы.
Вялікая калёна ідзе ад «Кароны» у бок цэнтру.
Менск: зноў разгоны, новыя калёны працягваюць рух
Каля стэлы «Менск — горад-герой» зьявіўся кіраўнік менскага АМАП Дзьмітры Балаба, піша «Эўрарадыё». Ён спрабаваў даць інтэрвію дзяржаўнаму тэлеканалу АНТ, але людзі абкружылі яго і скандавалі «Прэч адсюль».
Пасьля гэтага аднавіўся разгон, сьведкі чулі выбух, падобны да сьвятлашумавой гранаты.
Калёна людзей тым часам зьбіраецца на Ціміразева. Яшчэ адна ідзе па Раманаўскай слабадзе — галава дзесяцітысячнай калёны дайшла да Нямігі. Там спынілася, бо вуліцу перагарадзілі аўтамабілямі ДАІ. Пратэстоўцы спыніліся, іх вітаюць аўтамабільнымі гудкамі з машын. На скрыжаваньні Нямігі і Раманаўскай слабады пачаўся хапун. Людзі адступаюць уверх па Раманаўскай слабадзе.
Гомель: АМАП патрабуе пратэстоўцаў разысьціся
Пратэсты ўжывую. Эфір Настоящего времени
Тэлеканал «Настоящее время» (праект Радыё Свабода) ад 15:00 вядзе трансьляцыю зь беларускіх гарадоў у жывым эфіры.
Як у Менску праходзіў «Марш гонару». ШМАТ ФОТА
Новыя затрыманьні журналістаў у Віцебску, Горадні, Магілёве
У Віцебску затрымалі журналістаў Зьмітра Казакевча і Вячаслава Лазарава, якія супрацоўнічаюць зь «Белсатам», а таксама журналістаў Тацяну Мацьвееву (Tut.by, БелаПАН) і Алеся Пілецкага (Tut.by, «Народная воля»)
У Горадні затрымалі журналістаў Марысю Харэвіч, Сяргея Людкевіча, Вольгу Камягіну і Дар'ю Сьпевак.
У Магілёве затрымалі журналіста БелаПАН Алеся Асіпцова.
Людзі ўсё адно зьбіраюцца каля Стэлы ў Менску
Нягледзячы на затрыманьні, людзі працягваюць зьбірацца каля стэлы.
Пратэстоўцы перакрылі Мельнікайце
Каля трох тысяч пратэстоўцаў перакрылі вуліцу Мельнікайце ў раёне мэмарыялу «Яма». АМАП стаў ланцугом на падыходзе да праспэкта Пераможцаў, каб не дазволіць людзям туды прайсьці.
Вельмі шмат затрыманых каля «Планэты», шмат пабітых, людзей затрымліваюць вельмі жорстка. У легкавых машынах ДАІ падвозяць сілавікоў. Сьведкі чулі выбух сьвятлашумавой гранаты. Відавочцы паведамляюць, што сілавікі пусьцілі сьлезацечны газ, людзі кашляюць, цяжка дыхаць.
АМАП пачаў наступ на людзей, якія ідуць па Мельнікайце ў бок Юбілейнай плошчы.
#МотолькоПомоги піша пра хапун у дварах на вуліцы Заслаўскай, што каля Стэлы
Жорсткі разгон і затрыманьні на праспэкце Пераможцаў. ВІДЭА
Паведамляюць пра жорсткі разгон людзей на праспэкце Пераможцаў. Людзей затрымліваюць сілавікі, ёсьць моцна пабітыя.
Працягваюць затрымліваць журналістаў
У Горадні затрымалі журналістку Tut.by і «Народнай волі» Вольгу Камягіну.
У Менску другі раз за дзень затрымалі карэспандэнтаў ТАСС Грыгорава і Сьцепчанкава
Карэспандэнт Onliner.by Аляксандар Ружачка паведаміў рэдакцыі пра сваё затрыманьне. Яшчэ два карэспандэнты выданьня, Аляксандар Уладыка і Аляксей Носаў, не выходзяць на сувязь.
Таксама затрымалі фатографа «Камсамольскай праўды» Сьвятаслава Зоркага, пазьней і журналістку «Камсамольскай праўды» Алесю Добыш
Людзі выходзяць у Баранавічах, Горадні, Лідзе
У Жодзіна пачаліся затрыманьні. Людзі нават не пасьпелі сабрацца.
У Менску затрымалі і журналістаў дзяржаўных СМІ
Каля будынку Фэдэрацыі прафсаюзаў на рагу праспэкту Пераможцаў і вуліцы Мельнікайце ў Менску затрымалі чатырох журналістаў. Сярод іх — фатограф дзяржаўнага агенцтва БелТА Раміль Насібулін. Усе яны былі ў камізэльках з пазнакай «Прэса». Супрацоўнікаў СМІ павезьлі на «праверку дакумэнтаў».
Тым часам людзі з крыкамі «Пайшоў вон!» адганяюць прапагандыста СТВ Азаронка, які намагаўся ўзяць інтэрвію ў пратэстоўцаў
Жорсткія затрыманьні каля гатэля «Плянэта» ў Менску
На ўзгорку каля гатэля «Плянэта» ў Менску сабралася некалькі соцень пратэстоўцаў са сьцягамі. Пачаліся жорсткія затрыманьні. Амапаўцы з дапамогай людзей у цывільным разрэзалі натоўп пратэстоўцаў і цяпер усіх хапаюць паасобку.
Пусьцілі газ. Людзі кашляюць. Цяжка дыхаць.
У Менску адключылі мабільны інтэрнэт
Інтэрнэт стаў недаступным для абанэнтаў мабільных сетак каля 14.00. Апэратар А1 ужо прызнаў, што «адпаведна распараджэньню ўпаўнаважаных органаў» будзе «зьніжаная прапускная здольнасьць» мабільнага інтэрнэту
Прэвэнтыўныя затрыманьні на праспэкце Пераможцаў у Менску
У Менску ідуць адзіночныя затрыманьні на праспэкце Пераможцаў – каля гандлёвага дома Galleria і гатэлю «Плянэта». Таксама затрымліваюць на Нямізе.
Сьпіс затрыманых журналістаў
- Тацяна Каравянкова, Сяргей Сацюк (БелаПАН),
- Алена Талкачова (раней Tut.by),
- Юры Шамшур (ТАСС),
- Наста Бойка,
- Аляксей Івашкевіч,
- Зьміцер Міцкевіч.
Tut.by паведаміў, што затрымалі таксама журналіста БелТА.
Праваабаронцы «Вясны» пачалі абнаўляць сьпіс затрыманых на акцыі 11 кастрычніка.
Звычайная нядзеля ў Менску: зачыненыя станцыі, калючы дрот, бронемашыны
У горад увайшла спэцтэхніка: ад грузавікоў з калючым дротам да бронемашынаў з кулямётамі.
Перакрыты праспэкт Пераможцаў, ачэплены тэлецэнтар на Макаёнка.
Закрылі станцыі мэтро «Кастрычніцкая», «Купалаўская», «Няміга», «Плошча Перамогі», «Плошча Леніна».
У Менску перад пачаткам маршу затрымалі журналістаў ТАСС
Журналістку Натальлю Федосенку, фатографа Гаўрыіла Грыгорава і апэратара Валерыя Сцепчанкова з ТАСС затрымалі на праспэкце Пераможцаў каля гандлёвага цэнтру «Галерэя». Яны мелі акрэдытацыі. Праз паўгадзіны пасьля праверкі дакумэнтаў іх адпусьцілі.