Прэзыдэнт Расеі Ўладзімір Пуцін згодны шукаць рашэньні крызісу ў Беларусі і падключаць да гэтага працэсу АБСЭ, заявіў у чацьвер прэзыдэнт Францыі Эманюэль Макрон.
«Я думаю, што ён (Пуцін) згодны з тым, што патрэбныя перамовы для выхаду з крызісу, а таксама — пасярэдніцтва АБСЭ», — сказаў ён журналістам перад самітам ЭЗ.
У аўторак у Літве адбылася сустрэча Сьвятланы Ціханоўскай і прэзыдэнта Францыі. Па яе выніках Макрон выказаў надзею на тое, што ў бліжэйшыя тыдні Арганізацыя па бясьпецы і супрацоўніцтве ў Эўропе (АБСЭ) возьмецца за пасярэдніцкую місію ў Беларусі.
