Свабоднае аб’яднаньне спартоўцаў запісала відэазварот на адрас спартовых чыноўнікаў Беларусі, якія аказваюць ціск на спартоўцаў за іх грамадзянскую пазыцыю і подпісы спартовай грамадзкасьці. Зварот публікуе тэлеграм-канал Tribuna.com Беларусь.
У відэзвароце гавораць тытуляваныя і знакамітыя спартоўцы Беларусі, чэмпіёны сьвету і алімпійцы — трэнэр гандбольнага клюбу «Віцязь» Канстанцін Якаўлеў, чэмпіён Беларусі па футболе Васіль Хамутоўскі, прызёрка Алімпіядаў Аляксандра Герасіменя, лёгкаатлет Андрэй Краўчанка, валейбаліст Артур Удрыс, самбіст Сьцяпан Папоў, кікбаксёр Іван Ганін, баскетбалістка Алена Леўчанка, фрыстайлістка Аляксандра Раманоўская, баскетбаліст Ягор Мешчаракоў.
