Аляксандар Лукашэнка, адказваючы на пытаньні журналістаў у Оршы, пракамэнтаваў сваё прыняцьце першай прэзыдэнцкай прысягі пад бел-чырвона-белым сцягам, перадае БелТА.
«Мяне за гэта ня трэба крытыкаваць. Разумны чалавек скажа: прэзыдэнт законапаслухмяны. Тады быў такі сьцяг, вызначаны Вярхоўным Саветам (мы не галасавалі за гэтую сымболіку, але большасьцю яна была прынятая пад ціскам нашых нацыяналістычных дэпутатаў), — сказаў Лукашэнка. — Ніякай канспіралёгіі. Іначай я тады зрабіць ня мог, я павінен быў быць прэзыдэнтам для ўсіх, і законапаслухмяным. Я так і рабіў».
Аляксандар Лукашэнка сказаў, што за цяперашнюю афіцыйную беларускую сымболіку на рэфэрэндуме прагаласавала большасьць грамадзян і ён з задавальненьнем выкарыстоўвае яе:
«Народ выказаўся за гэтую сымболіку. А гэты сьцяг, вы ж бачыце: партрэты Адольфа Гітлера — і вакол вісяць бел-чырвона-белыя сцягі».
