Каля 108 мільёнаў чалавек на паўночным захадзе Кітаю могуць трапіць пад карантын, бо там зьявіліся новыя асяродкі інфэкцыі, паведамляе Bloomberg.
Некаторыя гарады ў правінцыі Гірын (Цзілінь) спынілі рэйсы цягнікоў і аўтобусаў і ўвялі карантын для тысяч людзей.
Каранавірус у Беларусі і ў сьвеце. Як разьвіваюцца падзеі >>
Хоць новая хваля каранавірусных інфэкцый не расьце так хутка, як на пачатку пандэміі ва Ўхані ў сьнежні мінулага году, цяперашнія захады кітайскіх уладаў сьведчаць, што тыя вельмі сур’ёзна ставяцца да пагрозы, адзначаецца ў матэрыяле Bloomberg. Гэта таксама паказвае, наколькі крохкі працэс вяртаньня да нармальнага жыцьця і ў Кітаі, і ў іншых краінах.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
