Мэр Масквы: Рэальна на COVID-19 хворыя 2% масквічоў

02 травень 2020, 12:40

У Маскве рэальная колькасьць хворых на каранавірусную інфэкцыю складае каля 2 адсоткаў, напісаў у суботу мэр расейскай сталіцы Сяргей Сабянін.

Каранавірус у Беларусі і ў сьвеце. Як разьвіваюцца падзеі >>

здароўе, эканоміка, мэдыцына, турызм, маскі, вірусы, пандэмія, каранавірус, каранавірус у Беларусі, каранавірус у сьвеце, коронавирус в Беларуси, коронавирус в мире, новости про коронавирус, навіны пра каранавірус, коронавирус, пандемия, вирусы

Паводле Сабяніна, гэтыя лічбы паказваюць, што што ў Маскве «змаглі стрымаць распаўсюджваньне інфэкцыі дзякуючы дысцыпліне і падтрымцы мераў самаізаляцыі з боку масквічоў».

2% — гэта 254 тысячы жыхароў Масквы.

ГЛЯДЗІЦЕ ТАКСАМА:

У Расеі новы сутачны рэкорд зарэгістраваных выпадкаў COVID-19

Напярэдадні Сяргей Сабянін заявіў, што ў Маскве для праходжаньня піку інфікаваньня каранавірусам павінны заразіцца 60% гараджанаў, ці то 7 мільёнаў жыхароў. Ён выказаў надзею, што гэтага не адбудзецца.

У Расеі 2 траўня паведамілі, што за суткі зарэгістравалі рэкордную колькасьць новых выпадкаў — 9632. Агульная колькасьць тых, хто заразіўся — 124 000. Усяго памерлі 1222 чалавекі.

Што трэба ведаць пра новы каранавірус, які выклікае COVID-19

Невядомы раней вірус выявілі ў кітайскім горадзе Ўхань у сьнежні 2019 году.
Афіцыйнай назвай хваробы ад новага каранавірусу з Кітаю стала COVID-19 (coronavirus disease).
Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.