Ліквідатар Ігар Кудзян 15 гадоў змагаецца, каб дзяржава прызнала, што ягоныя хваробы зьвязаныя з чарнобыльскай аварыяй, і прызначыла яму адпаведную пэнсію.
Ігар Кудзян у 22 гады, адразу пасьля аварыі на ЧАЭС, быў адпраўлены ахоўваць 30-кілямэтровую зону. Вярнуўся праз паўгода. У 1987 годзе ў сям’і Ігара і Тацяны Кудзяноў нарадзіўся сын, але празь месяц памёр ад заражэньня крыві. У 1989 годзе нарадзілася дачка, але і яна памерла праз дзьве гадзіны. Пасьля Ігар стаў моцна хварэць. На сёньня ён мае больш за 15 дыягназаў і перанёс некалькі апэрацыяў на сэрцы. Але беларуская дзяржава лічыць, што гэта не зьвязана з Чарнобылем.
