Туркмэністан аднаўляе матчы ў футбольнай лізе краіны ў гэтыя выходныя. Як паведамляе Reuters, ён стане другой акрамя Беларусі краінай у сьвеце, дзе на матчах будзе дазволеная прысутнасьць гледачоў. Футбольны сэзон таксама працягваецца ў Нікарагуа і Таджыкістане, але пры пустых трыбунах.
Бурундзі – апошняя афрыканская краіна, дзе працягваўся чэмпіянат, прыпыніла яго ў панядзелак, хоць афіцыйна гэта ня зьвязваецца з пандэміяй каранавірусу.
Футбольная фэдэрацыя Туркмэністану прыпыніла лігу, у якой гуляюць восем каманд, 24 сакавіка, не называючы афіцыйных прычын для гэтага. Паводле афіцыйных зьвестак, у Туркмэністане няма ніводнага зарэгістраванага выпадку каранавіруснай інфэкцыі.
