10 мільёнаў даляраў ахвяруе Wargaming на барацьбу з каранавірусам

31 студзень 2020, 16:03

Менскі офіс кампаніі-распацоўшчыка кампутарных гульняў Wargaming

Кампанія Wargaming ахвяруе 10 мільёнаў даляраў на барацьбу з каранавірусам у Кітаі, піша Dev.by.

«Эпідэмічная сытуацыя цяжкая і тэрмінова неабходна зьнешняя дапамога», — пракамэнтаваў рашэньне прэзыдэнт Wargaming Віктар Кіслы.

У Wargaming абвясьцілі, што шукаюць па ўсім сьвеце:

вытворцаў мэдычнага абсталяваньня;
пастаўшчыкоў мэдычных масак, пальчатак, заслоннага адзеньня, акуляраў і сродкаў для дэзінфэкцыі.

Мытным дэкляраваньнем, праверкай якасьці і распаўсюдам мэдычнага абсталяваньня і сродкаў будзе займаўся кітайскі партнэр Wargaming кампанія 360 Group.

Што трэба ведаць пра новы каранавірус з Кітаю

Невядомы раней вірус выявілі ў кітайскім горадзе Ўхань у сьнежні 2019 году.
Афіцыйнай назвай хваробы ад новага каранавірусу з Кітаю стала COVID-19 (coronavirus disease).
Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.