У Паставах адкрылі помнік дзяржаўнаму дзеячу, прамыслоўцу, мэцэнату Антону Тызэнгаўзу, сказаў Свабодзе гісторык Аляксей Ластоўскі.
Помнік адкрылі 27 сьнежня на вуліцы Савецкай. Бронзавая скульптура важыць 600 кг.
Аўтар праекту — скульптар Аляксандар Фінскі.
У Паставах таксама ёсьць помнік стрыечнаму ўнуку Антона арнітолягу Канстанціну Тызэнгаўзу, помнік адкрылі ў 2006 годзе.
Антон Тызэнгаўз — стараста горадзенскі. Яго намаганьнямі ў Горадні адкрытыя тэатар, шматлікія адукацыйныя ўстановы, сучасныя на той момант фабрыкі, друкарня.
