Расейскі дзелавы тэлеканал РБК перад сустрэчай Уладзіміра Пуціна і Аляксандра Лукашэнкі, заплянаванай на 20 сьнежня, правёў апытаньне сваёй аўдыторыі з ацэнкай пэрспэктыў інтэграцыі Беларусі і Расеі.
Тэлеканал апытаў сваіх гледачоў праз тэлеграм-канал і ў сацсетцы «УКантакце».
На час выхаду сюжэту адказы на пытаньне «Вы за эканамічную інтэграцыю зь Беларусьсю?» былі разьмеркаваныя наступным чынам:
- Навошта, у нас і так саюзная дзяржава — 32%
- Нават саюзная дзяржава ня выгадная Расеі — 26%
- Мне ўсё роўна — 23%
- Вядома, агульная эканоміка на карысьць — 11%
- Даўно пара абʼяднацца, гэта ж нашы людзі — 8%
Галасаваньне ў «Тэлеграме» працягвалася і пасьля выхаду сюжэту ў эфір. Вось яго вынікі на гэты час:
Журналісты тэлеканалу таксама спыталіся людзей на вуліцах Менску пра тое, на якіх умовах Беларусь гатовая падтрымаць інтэграцыю з Расеяй.
Абсалютная большасьць апытаных выказалася супраць палітычнай інтэграцыі з Расеяй, за захаваньне беларускага сувэрэнітэту, за партнэрскія эканамічныя стасункі як раўнапраўных краін.
