Міністэрства абароны Беларусі толькі 22 лістапада адказала на просьбу даслаць роту ганаровай варты на цырымонію пахаваньня Кастуся Каліноўскага ў Вільні.
Да міністра абароны Беларусі Андрэя Раўкова зьвярнуўся Беларускі грамадзкі камітэт ушанаваньня памяці паўстанцаў 1863–1864 гадоў.
Паводле звароту, літоўскі ўрад гатовы быў падтрымаць такую ініцыятыву беларускага Міністэрства абароны.
Таксама аўтары звароту прасілі правесьці салют у гонар Каліноўскага і ягоных паплечнікаў у Менску.
Міністэрства абароны паведаміла, што «правядзеньне салюта і накіраваньне роты ганаровай варты не ўяўляюцца магчымым». Больш ніякіх тлумачэньняў не было.
