Пра тое, што адбылося з затрыманымі, паведаміў у Facebook палітык Мікола Статкевіч.
На фоне інтэграцыйных перамоваў паміж Дзьмітрыем Мядзьведзевым і Сяргеем Румасам актывісты Народнай грамады выйшлы з плякатамі да Палацу спорту, дзе цяпер знаходзіцца фан-зона Эўрагульняў.
На плякатах актывістаў было напісана «Пуцін, мы не адзіны народ!», «Да пабачэньня, наш ласкавы Міша», «Адчапіцеся ад нас са сваёй інтэграцыяй».
21 чэрвеня Менск наведаў Дзьмітры Мядзьведзеў, каб правесьці перамовы аб інтэграцыі Беларусі і Расеі з кіраўніком беларускага ўраду Сяргеем Румасам. Абодва чыноўнікі заявілі пра пасьпяховасьць інтэграцыйных працэсаў.
