Колькасьць фітасанітарных кантрольных пунктаў на беларуска-расейскай мяжы плянуецца павялічыць.
Пра гэта паведаміла агенцтва «Інтэрфакс-Захад», цытуючы заяву міністра сельскай гаспадаркі і харчаваньня Беларусі Анатоля Хацько на пасяджэньні Парлямэнцкага сходу Саюза Беларусі і Расеі ў Менску 17 чэрвеня.
Цяпер у непасрэднай блізкасьці ад беларуска-расейскай мяжы разьмешчаны толькі два пункты фітасанітарнага кантролю — у Смаленскай і Пскоўскай абласьцях.
Фітасанітарны кантроль — разнавіднасьць памежнага кантролю ў мэтах абароны дзяржаўнай тэрыторыі ад пранікненьня ў краіну небясьпечных узбуджальнікаў хвароб расьлін, пустазельля і шкоднікаў расьлін.
