Як лідэра БНФ Зянона Пазьняка не прапусьцілі ў Вярхоўны Савет

15 травень 2019, 20:35

Сяргей Навумчык

«Мы рабілі, што маглі» — сказала кіраўніца выбарчай камісіі ў Смаргоні, калі Пазьняка не прапусьцілі ў ВС-13

Як пачыналася і чым завяршаецца першая чвэрць стагодзьдзя з Аляксандрам Лукашэнкам. Падкаст Сяргея Навумчыка пра найноўшую гісторыю Беларусі.

На выбарах у Вярхоўны Савет 13-га скліканьня ў лістападзе 1995 па Смаргонскай акрузе, дзе балятаваўся старшыня БНФ Зянон Пазьняк, улады адпрацавалі мадэль фальсыфікацый, якую потым прымянялі да іншых апазыцыйных кандыдатаў.

Сьцісла:

Смаргонь была абраная Пазьняком таму, што на прэзыдэнцкіх выбарах 1994 г. ён атрымаў тут найбольшую колькасьць галасоў, а мясцовая суполка БНФ налічвала 250 чалавек.
Перад самым галасаваньнем камуністы зьнялі свайго кандыдата, каб не адбіраць галасы ў кандыдата ад вэртыкалі і не дапусьціць другога туру выбараў (што спрашчала фальсыфікацыі).
Бюлетэні на ўчастках выдаваліся без прад’яўленьня дакумэнтаў; стваралася магчымасьць галасаваньня двойчы. Складаліся таемныя сьпісы выбаршчыкаў.
У дзень галасаваньня старшыня Смаргонскага райвыканкаму Сафонаў загадаў міліцыі не дапускаць назіральнікаў да скрыняў бліжэй чым на 10 мэтраў; міліцыянты сьпінамі закрывалі сталы пры падліку галасоў
Зянон Пазьняк набраў 47%, ягоны канкурэнт, лекар Смаргонскай бальніцы Сьвятаслаў Савіцкі — 40%. Для абраньня патрэбна было ня50% плюс адзін голас.
Колькасьць сапсаваных бюлетэняў у Смаргонскай акрузе складала 13%, што значна болей, чым у сярэднім па Беларусі (звычайна — ня больш за 5%).
Колькасьць выбаршчыкаў не адпавядала сьпісачнаму складу ў пачатку галасаваньня і ў канцы галасаваньня.
ЦВК прызнала факт штучнага завышэньня колькасьці выбаршчыкаў на ўсіх 14 участках, агульнай колькасьцю — 561 выбаршчыкаў. Калі гэтую колькасьць адняць ад колькасьці тых, хто прагаласаваў, Зянон Пазьняк набіраў больш як 50% і мусіў лічыцца абраным.
Нягледзячы на прызнаньне Цэнтральнай выбарчай камісіяй фактаў грубейшых парушэньняў працэдуры выбараў і накіроўваньне матэрыялаў у пракуратуру, ЦВК пагадзілася з вынікамі акруговай выбарчай камісіі. ЦВК не прыняла ні рашэньня аб прызнаньні Зянона Пазьняка абраным у ВС-13, ні рашэньне аб прызнаньні выбараў не адпаведнымі закону і прызначэньні на гэтай падставе новых выбараў.
Парушэньні былі зафіксаваныя і ў акругах, дзе балятаваліся кандыдаты БНФ Юры Беленькі і Валянцін Голубеў. Так, у Голубева толькі на адным участку ЦВК прызнала наяўнасьць у сьпісах выбаршччыкаў 11 чалавек, якія памерлі. Аднак ЦВК адмовілася праверыць іншыя ўчасткі. Голубеву не хапіла да абраньня некалькіх дзясяткаў галасоў.
Неўзабаве старшыня ЦКВ Уладзімер Абрамовіч быў прызначаны намесьнікам кіраўніка адміністрацыі прэзыдэнта.
Канкурэнт Пазьняка ў акрузе, лекар Сьвятаслаў Савіцкі, не хаваў падтрымкі з боку вэртыкалі. У будучым ён стаў кандыдатам навук, дэпутатам абласнога савета і галоўным урачом Гарадзенскай абласной бальніцы. У пачатку 2019-га быў асуджаны на чатыры гады пазбаўленьня волі за незаконныя фінансавыя дзеяньні і шкоду дзяржаве памерам больш як у 40 тысяч рублёў.
Памочнік прэзыдэнта палкоўнік Сяргей Посахаў, які курыраваў выбары, цяпер жыве ў Расеі. «Я родился в России. И приехал на свою родину» — сказаў ён у інтэрвію «Народнай волі», заявіўшы, што «белорусский народ еще не дозрел до полной свободы».
Што такое падкаст?

Падкаст — гэта радыё, але лепшае. Гэта аўдыё- або відэаперадача, якая публікуецца ў інтэрнэце. Як і радыёперадачы, яны часта дзеляцца на цыклі, сэзоны, асобныя часткі і прысьвечаныя канкрэтнай тэме.

Падкасты значна зручнейшыя, чым радыё, бо іх можна слухаць у любы момант, без патрэбы сачыць за раскладам.

Як іх можна слухаць?

Падкасты Свабоды можна слухаць
- на нашым сайце;
- на відэаплятформе Youtube;
- на аўдыёплятформе SoundCloud;
- праз мабільныя праграмы (аплікацыі).
  
  Для гэтага трэба спампаваць на свой тэлефон праграму (як на iOS, гэтак і на Android), знайсьці праз пошукавую сыстэму падкаст-канал, які вас цікавіць, і падпісацца на яго.
  
  Аплікацыя сама вам паведаміць, калі зьявіцца новы выпуск падкасту. Вы можаце яго запампаваць на свой тэлефон і паслухаць у любы зручны для вас час.
А дзе можна знайсьці падкасты Свабоды?

Падкасты Свабоды даступныя ў RSS і ў такіх мабільных праграмах:

• iTunes
• Google Podcasts
• CastBox
• Podcast Addict
• Podcast Republic
• SoundCloud

Навошта слухаць, калі можна і пачытаць?

Бо падкасты можна слухаць тады, калі чытаць проста немагчыма.
- У аўтамабілі, аўтобусе, цягніку. Паўсюль, дзе бракуе сьвятла чытаць
- Падчас трэнаваньня ў фітнэс-залі
- Падчас яды (і піцьця)
- Падчас гатаваньня
- Падчас шпацыру
- Падчас выкананьня хатніх абавязкаў (вывешваньня бялізны, прасаваньня, мыцьця посуду)
- Падчас праполваньня бульбы
- На рыбе
- У лазьні ці ў душы
- Дадайце свае прапановы ў камэнтарах
Якія каналы ў Свабоды ўжо ёсьць?
Калі вам хочацца мець усе падкасты ў адным канале, то падпісвайцеся на гэты канал:
- Свабода Premium
А гэта бясплатна?

Для вас — ТАК.
informer-premium