23 сакавіка ў Горадні адбываецца сьвяткаваньне 101-годзьдзя незалежнасьці БНР. Арганізатары леташняга юбілею ля Опэрнага тэатру праз рознагалосьсі з адміністрацыяй Менску вырашылі перанесьці сьвяткаваньне ў Горадню.
Па словах аднаго з арганізатараў, Паўла Белавуса, ужо праз паўгадзіны пасьля пачатку сьвяточнага канцэрту ў Калоскім парку было каля 3000 тысяч чалавек. Іншы арганізатар, Эдуард Пальчыс, гаворыць пра 5000 удзельнікаў сьвята па стане на 14.30.
За жывой трансьляцыяй сьвяточнага канцэрту вы можаце сачыць на сайце Свабоды, а таксама на нашых акаўнтах у сацсетках.
Тысячы чалавек на Дні Волі ў Горадні. ФОТАГАЛЕРЭЯ
Сьвяточныя мерапрыемствы з нагоды 101-годдзя абвяшчэньня незалежнасьці БНР пачаліся 23 сакавіка ў 13 гадзін у гарадзенскім Калоскім парку.
