Каля 21.45 у Сьвіслачы каля станцыі мэтро Першамайская патануў чалавек. Праз паўгадзіны ратавальнікі знайшлі ягонае цела.
Як даведалася Свабода на месцы здарэньня, каля 21.45 мужчына сярэдніх гадоў трапіў у раку.
«Я выходзіў з мэтро і пачуў гук вады», паведаміў сьведка Данііл Паважны.
Ён адразу выклікаў ратавальнікаў. Каля 22.20 вадалазы дасталі з ракі чалавека. Мэдыкі на месцы канстатавалі сьмерць.
«Я падаваў яму руку, але ён не рэагаваў. Хвілін пяць ён трымаўся на вадзе, а потым патануў», – дадаў Данііл.
