Паводле зьвестак Белстату, сярэднестатыстычная хатняя гаспадарка Беларусі ў студзені-чэрвені 2018 году мела 1170 рублёў наяўных рэсурсаў на месяц, у тым ліку:
- 1250,1 рубля ў гарадах і пасёлках гарадзкога тыпу;
- 962,9 рубля ў вёсках.
Наяўныя рэсурсы — сумарна грашовыя даходы і прадукты харчаваньня з асабістай гаспадаркі, за выняткам затратаў на іх вытворчасьць, а таксама атрыманыя ў натуральнай форме льготы і выплаты.
Агулам грашовыя выдаткі склалі 1104,8 рубля. У першым квартале 2018 году ў месяц беларуская сям’я ў сярэднім выдаткоўвала 831,5 рубля (75,3%) на спажывецкія выдаткі, зь іх:
- 40,3% на харчаваньне;
- 30,6% на неспажывецкія тавары;
- 26% на аплату паслуг.
У параўнаньні з аналягічным пэрыядам летась наяўныя рэсурсы павялічыліся на 7,6%.
