На будоўлі ў цэнтры Менску адкапалі падмурак з габрэйскімі надмагільлямі

Паміж плошчай Незалежнасьці і Ленінградзкай вуліцай рыхтуецца пляцоўка пад новы будынак Мэтрапалітэну. Калі рабочыя ўзяліся бурыць стары фундамэнт, яны натрапілі на габрэйскія надмагільныя пліты.

Да 2003 году тут месьціўся корпус БДУ. Студэнцкі гарадок унівэрсытэту быў пабудаваны пры канцы 1920-х гадоў на тэрыторыі Другіх габрэйскіх могілак.

Непадалёк былі і Першыя габрэйскія могілкі — іх зьнесьлі для стадыёну «Дынама».