Улады Каталёніі заявілі, што выбарнікі маюць права прагаласаваць на любым участку. Больш за тое, ім дазволілі прыходзіць са сваімі бюлетэнямі, раздрукаванымі на прынтары.
Паліцыя напярэдадні закрыла больш за палову школаў, дзе абсталяваныя ўчасткі для галасаваньня. Паліцыянты блякуюць уваходы ў будынкі, спрабуюць забраць бюлетэні. У прыгарадзе Барсэлёны адбыліся сутычкі з паліцыяй.
Лідэр Каталёніі Карлэс Пудждэмон будзе галасаваць у горадзе Жырона. Там на ўчастку ўжо знаходзяцца паліцыянты.
Карэспандэнт Свабоды Аляксей Знаткевіч знаходзіцца ў Барсэлёне і вядзе жывую трансьляцыю зь месца падзей. Сачыце за навінамі на нашым сайце.
