Рассельгаснагляд з 27 верасьня ўвёў узмоцнены кантроль прадукцыі пяці беларускіх прадпрыемстваў з прычыны выяўленых парушэньняў.
Як паведамляецца на сайце ведамства, гэтыя прадпрыемствы парушалі нормы і патрабаваньні Расеі і Эўразійскага эканамічнага саюзу.
Пад узмоцнены кантроль падпалі:
- прадпрыемства «Мсьціслаўмалако» (выяўлены лінкаміцын у сухім абястлушчаным малацэ);
- «Гарадзенскае абласное спажывецкае таварыства „Забойны цэх Дзятлаўскага філіялу“» (выяўленыя рэшткі тэтрацыкліну ў ялавічыне);
- «Глыбоцкі малочна-кансэрвавы камбінат» (выяўлены лінкаміцын у сухой малочнай сыроватцы);
- «Лідзкі малочна-кансэрвавы камбінат» (выяўленыя рэшткі цілміказіну ў сухім малацэ);
- «Полацкі камбінат хлебапрадуктаў», філіял «Мёрскі мясакамбінат» (выяўленыя рэшткі антыбіётыкаў (тэтрацыкліну) у ялавічыне).
