На пытаньне Свабоды пра цяперашні статус Статкевіча і на якой падставе яго вызвалілі, быў выказаны сумнеў, што той наогул знаходзіўся ў іх.
«У прэсавай службы няма зьвестак, што Статкевіч знаходзіўся ў КДБ», — сказаў афіцыйны прадстаўнік КДБ Дзьмітры Пабяржын.
Мікола Статкевіч сьцьвярджае, што ад пятніцы знаходзіўся ў СІЗА КДБ і сёньня раніцай быў вызвалены пасьля 72 гадзін папярэдняга ўтрыманьня і што на яго заведзеная крымінальная справа за падрыхтоўку масавых беспарадкаў.
У Міністэрстве ўнутраных спраў кажуць, што заявы Статкевіча па-за іх кампэтэнцыяй і ніякай інфармацыяй яны не валодаюць.
