Дзень Волі 2017. АНЛАЙН зь Менску, Берасьця, Горадні і Гомля

Зыатрыманыя Юрась Меляшкевіч і Вольга Быкоўская

Каля офісу руху “За свабоду” затрыманыя намесьнік старшыні гэтай арганізацыі Юрась Меляшкевіч і прэс-сакратар Вольга Быкоўская.

ДАІ стварае перашкоды для пад’езду на аўтамабілі да Акадэміі навук, дзе зьбіраюцца людзі да акцыі Дня Волі. «Немагчыма завярнуць, ДАІшнікі разварочваюць», — паведамляе чытач Свабоды.

Жывая трансьляцыя зь Менску Цімура Алеўскага ("Настоящее время")

Уздоўж праспэкту з боку Акадэміі навук у бок алошчы Якуба Коласа ідзе калёна людзей, каля 500-700 чалавек. Нясуць бел-чырвона-белыя сьцягі, у тым ліку вялізны 10-мэтровы.

Жанчыну затрымліваюць на Акадэміі навук.

За плошчай Калініна стаіць кардон міліцыі, які не пускае пешаходаў далей па праспэкце.

Вялікая колькасьць міліцыянтаў бяжыць па праспэкце наперад калёны — паспрабавалі перакрыць рух. Калёна проста перабегла на іншы бок праспэкту.

Падобна, што тых, хто не пасьпеў перабегчы на іншы бок, затрымліваюць.

Удзельнікаў шэсьця разьбілі на некалькі калёнаў, між Акадэміяй навук і плошчай Якуба Коласа.

На вуліцы Багдана Хмяльніцкага 200-300 чалавек. Нікога не пускаюць. Усе стаяць паасобку.

Праспэкт незалежнасьці перакрыў АМАП са шчытамі

АМАП стаіць у некалькі шэрагаў, праспэкт перакрыты між Акадэміяй навук і плошчай Якуба Коласа з аднаго боку і каля ЦУМу зь іншага, пад’ехаў вадамёт.

​

У Віцебску затрыманая здымачная група «Белсату»

У Віцебску ў Кастрычніцкім РАУС знаходзіцца здымачная група тэлеканалу «Белсат» — Вольга Чайчыц і Андрэй Козел, а таксама сябра Партыі БНФ з Гарадка Леанід Аўтухоў.

Аўтухоў прамаўляў на акцыі Дзень Волі ў Віцебску, быў са сьцягам. Праваабаронцаў да затрыманых не пускаюць.

АМАП грукае ў шчыты, але не ідзе ў атаку

Паведамляюць пра «хапун» — масавыя затрыманьні — ў Менску з боку плошчы Якуба Коласа.

Менск: кардон АМАП з боку Акадэміі навук нібыта разыходзіцца — адыходзіць у двор БНТУ