Тралейбусы па Сурганава едуць без прыпынкаў пасьля «Рыгі», на Коласа не адчынілі, на Доме друку не адчынілі. Абураныя пасажыры выламалі дзьверы й на Доме друку выйшаў увесь тралебус.
Затрыманы Дзяніс Садоўскі
13.30 Адзін з заяўнікаў акцыі 25 сакавіка, прадстаўнік руху «За свабоду» ў аргкамітэце сьвяткаваньня Дня Волі Дзяніс Садоўскі быў затрыманы па дарозе ў цэнтар Менску.
АМАП затрымлівае людзей на Акадэміі навук
Затрымліваюць усіх, нават пэнсіянэраў #ДзеньВолі https://t.co/LniMRnbE9b
— Радыё Свабода (@svaboda) 25.3.2017
Зноў затрыманьні #ДзеньВолі https://t.co/C4veG2Bo1R
— Радыё Свабода (@svaboda) 25.3.2017
Да Акадэміі навук прапусьцілі зусім няшмат людзей.
Тым часам Свабода вядзе жывы эфір зь Менску, дзе каля Акадэміі навук зьбіраюцца першыя ўдзельнікі несанкцыянаванага шэсьця — каля 200 чалавек.
У сацсетках менчукі распавядаюць, што да Акадэміі навук нікога не прапускаюць празь міліцэйкія кардоны.
RT @belamova: Водомёты принали, куча военной техники, задержания. Взяли польского журналиста. Минск #ДзеньВолі https://t.co/2PEGHbAZOz
— Радыё Свабода (@svaboda) 25.3.2017
Пачалі затрымліваць людзей ля Акадэміі навук
3 станцыі мэтро зачыненыя #ДзеньВолі https://t.co/tUCdO9xPPo
— Радыё Свабода (@svaboda) 25.3.2017
Супярэчлівыя паведамленьні пра мэтро ў Менску: у сацсетках то паведамляюць, што закрыты шэраг станцыяў у цэнтры, то паведамляюць, што станцыі адкрылі.
Пагром у офісе «Вясны»
Як паведамляе ў сацсетках праваабаронца Сяргей Сыс, у стары офіс праваабарончага цэнтру «Вясна» ўварваўся АМАП, «усіх паклалі на падлогу».
Прваабаронца Алег Гулак. Алега больш ня будзе а гэтым нумар", -- адказаў карэспандэнту Свабоды незнаёмы мужчынскі голас.
Невядомыя людзі каля менскай Акадэміі навук перад відэакамэрай раскладаюць дубінкі, падобныя да зброі прадметы, і бутэлькі зь невядомай вадкасьцю. Кажуць, «вядуцца сьледчыя дзеяньні».
Гомель зараз. Фота @Yaraslau_Slonim #ДзеньВолі https://t.co/DUH8wCQCkw
— Радыё Свабода (@svaboda) 25.3.2017
У Гомлі мітынгоўцаў прапускаюць на пляцоўку каля ДК глуханямых, міліцыя даглядае людзей перад агароджай, але не дазваляе праносіць «забароненую сымболіку» (бел-чырвона-белыя сьцягі і сьцягі АГП). Некалькі сьцягоў усё-ж пранесьлі.
Дэмакратычнага актывіста Ўладзімера Шылу затрымалі на ўездзе ў Менск. Як паведамляе яго сын Іван Шыла, правяраюць усе машыны, ёсьць сьпісы тых, каго нельга пускаць.
На выезьдзе з Бабруйску ў Менск спыняюць машыны, маршруткі, аўтобусы — усіх правяраюць і перапісваюць.
Кіраўніка віцебскай гарадзкой арганізацыі Партыі БНФ некалькі гадзінаў дапытвалі ў Сьледчым камітэце
Кастусь Смолікаў паведаміў, што яго выклікалі позвай і апытвалі пра падрабязнасьці ажно шасьці крымінальных справаў. Ні да адной зь іх ён ня мае дачыненьня. Актывіст мяркуе, што сустрэча была ініцыяваная для таго, каб ён не пасьпеў трапіць да пачатку акцыі ў Менск.