Новы закон таксама прадугледжвае вылучэньне 19, 5 мільярда даляраў на фінансаваньне касьмічных агенцтваў на бюджэтны 2017 год, які пачаўся 1 кастрычніка 2016 году. Трамп нядаўна накіраваў Кангрэсу бюджэтную прапанову, якая дазваляе выдаткаваць касьмічнаму агенцтву НАСА ў наступным годзе 19,1 мільярда даляраў.
Гэтая мера ўносіць папраўкі ў дзейны закон, каб весьці дадатковыя дасьледаваньні ў засваеньні Марса ў якасьці адной з мэтаў НАСА. Законапраект таксама дазваляе НАСА атрымаць сродкі для праграмаў палёту чалавека ў космас і на іншыя напрамкі касманаўтыкі ў тым ліку на дасьледаваньне Марса.
Трамп падпісаў законапраект у аўторак у Авальным кабінэце ў атачэньні астранаўтаў і спонсараў закону, у тым ліку сэнатараў Тэда Круза і Марка Рубіё і сэнатара-астранаўта ад Флорыды Біла Нэлсана.
Як паведаміла прэс-служба Белага дому, закон S. 442 дазваляе асыгнаваньні для Нацыянальнага ўпраўленьня аэранаўтыкі і дасьледаваньня касьмічнай прасторы ў 2017 фінансавым годзе; прадугледжвае ўдасканаленьне праграмы Міжнароднай касьмічнай станцыі; дазваляе мэдычны маніторынг і лячэньне былых касманаўтаў; упаўнаважвае праграму касьмічных тэхналёгій; прадугледжвае іншую кампэнсацыю за некаторыя небясьпечныя камэрцыйныя касьмічныя паслугі.
