Кіраўнік прадстаўніцтва тэлеканалу «Сэтанта-Спорт» у Беларусі Ўсевалад Маёраў расказаў пра пляны паказваць матчы нацыянальнага футбольнага першынства з камэнтарамі на беларускай мове.
«Зараз у нас ідзе такая галоўная думка, што матчы беларускага чэмпіянату павінны суправаджацца камэнтарамі на беларускай мове. Гэта ж пэўная фішка. На „Беларусь 5“, напрыклад, адзінкі, здольныя гэта зрабіць. Пры адборы нашых камэнтатараў адным з прыярытэтаў будзе ўменьне добра развамўляць на беларускай мове. Ва ўсялякім выпадку, да гэтага трэба рухацца» — цытуе Маёрава спартовае выданьне «Прессбол».
