Каб карміць дзіця-інваліда, маці шукае грошы праз інтэрнэт. Дзяржава абяцае дапамогу праз паўгода

Натальля Кульчанка самастойна гадуе чатырох непаўналетніх дзяцей. Адна зь дзяўчынак — інвалід зь дзяцінства, якой неабходна спэцыялізаванае дарагое харчаваньне. Але шматдзетная сямʼя ня мае ўласнага жыльля і мусіць траціць грошы не на дзіцячае харчаваньне і лячэньне, а за здымную кватэру.