Лідэр малдаўскай Партыі сацыялістаў Ігар Дадон, які ў мінулым месяцы быў абразы прэзыдэнтам гэтай краіны, зрабіў некалькі ідэалягічных крокаў.
У гэтыя выходныя з будынку рэзыдэнцыі прэзыдэнта быў зьняты сьцяг Эўрапейскага зьвязу, які вісеў там побач зь сьцягам Малдовы.
Адбылася зьмена і на сайце прэзыдэнта, які вядзецца на трох мовах: вэрсіі на расейскай і ангельскай мовах засталіся як і былі, а пазначэньне мовы трэцяй вэрсіі з румынскай (RO) было зьменена на малдаўскую (MD).
У Канстытуцыі Малдовы афіцыйнай мовай дзяржавы названая «малдаўская мова, якая функцыянуе на аснове лацінскай графікі». У сьнежні 2013 году Канстытуцыйны суд Малдовы пастанавіў, што Дэклярацыя аб незалежнасьці Рэспублікі Малдова, у якой дзяржаўная мова названая «румынскай», складае адзінае цэлае з Канстытуцыяй, і, у выпадку супярэчнасьцяў паміж тэкстам Дэклярацыі аб незалежнасьці і тэкстам Канстытуцыі, пераважае зыходны тэкст Дэклярацыі аб незалежнасьці.
