За «напад на міліцыянта» судзяць маларыцкага фэрмэра Бельчука. Анлайн

Супрацоўніка ДАІ ўдарылі 5 разоў

Адвакатка пытаецца, чаму міліцыянт не адыйшоў пасьля першага ўдару, каб выклікаць дапамогу, а дапусьціў, што яго ўдарылі пяць разоў. Неліповіч кажа, што ў той момант калі яго білі, ён сьцягваў з трактара Аляксандра Бельчука, брата Мікалая.

Адвакатка заявіла пра супярэчнасьці ў паказаньнях пацярпелага

Адвакатка Мікалая Бельчука кажа, што ёсьць супярэчнасьці ў паказаньнях Сяргея Неліповіча. Яна запыталася, чаму міліцыянт не захацеў распачынаць адміністрацыйны працэс, складаючы пратакол агляду трактара пасьля таго, як Бельчукі не захацелі зь ім размаўляць. Міліцыянт адказаў, што меркаваў разабрацца ў сытуацыі з трактарам Бельчукоў. Ён кажа, што прыехаў у Страдзеч паводле інфармацыі ўчастковага, які распавёў яму, што гэты незарэгістраваны трактар рухаўся па вёсцы.

Бакі паспрачаліся, падсудны кажа, што не кусаў міліцыянта

Супрацоўнік ДАІ Сяргей Неліповіч кажа, што правапарушэньне — рух на самаробным трактары — ня мела вялікай грамадзкай небясьпекі, ён меркаваў проста скласьці адміністрацыйны пратакол.

Мікалай Бяльчук сказаў, што Неліповіч хлусіць, бо ён, маўляў, меркаваў забіраць трактар. Няпраўда і тое, кажа, Мікалай Бяльчук, што ён кусаў міліцыянта.

Сяргей Неліповіч кажа, што Мікалай імкнуўся вызваліць брата Аляксандра, якога трымаў міліцыянт, але калі ў яго гэта не атрымалася, Мікалай міліцыянта ўкусіў.

Судзьдзя ня ведае закону

Судзьдзя зрабіў заўвагу журналістам, што яны без хадайніцтва вядуць аўдыёзапіс. Журналісты запярэчылі, што гэта не забаронена, судзьдзя аўдыёзапіс дазволіў.

Падсудны ўкусіў міліцыянта

Пацярпелы Сяргей Неліповіч кажа, што ў часе канфлікту Мікалай Бяльчук укусіў яго за руку. Міліцыянт кажа, што ў дачыненьні да Мікалая фізычную сілу не ўжываў, толькі прыціснуў да плоту яго брата, Аляксандра Бельчука.

Пацярпелы міліцыянт тлумачыць, як яго пабілі

Пацярпелы міліцыянт Сяргей Неліповіч кажа, што 9 траўня 2014 году выехаў у вёску Страдзеч для складаньня пратаколу на кіроўцу самаробнага трактара.

Бяльчук цалкам не прызнае віны

Зачытваюць абвінавачваньне падсуднаму — нібыта ім былі нанесеныя цялесныя пашкоджаньні міліцыянту Сяргею Неліповічу.

"Бяльчук учыніў гвалт у дачыненьні да міліцыянта",— заявіла пракурор. Бяльчук віну не прызнае ў поўным аб’ёме.

У залю Мікалая Бяльчука ўвялі пад рукі два міліцыянты, Мікалай сказаў, што праз галадоўку ногі не трымаюць.

Бяльчук ня можа стаяць, ногі баляць

Паседжаньне пачалося. Судзіць Павал Главацкі.

На пачатку паседжаньня Мікалай Бяльчук заявіў, што ня можа стаяць, ногі не трымаюць.