У Кангрэсе Пампэа прадстаўляе штат Канзас. Ён уваходзіць у парлямэнцкі камітэт па выведцы, а таксама належыць да кансэрватыўнага крыла рэспубліканцаў. Палітык выступае супраць закрыцьця турмы ў Гуантанама, падтрымлівае праграмы электроннага сачэньня Агенцтва нацыянальнай бясьпекі. Акрамя таго, Пампэа зьяўляецца рэзкім крытыкам ядзернай зьдзелкі зь Іранам.
Палітык вядомы, у прыватнасьці, сваімі заявамі ў падтрымку Ўкраіны ў яе супрацьстаяньні агрэсіі Расеі.
У красавіку 2014 года Майк Пампэа наведаў Украіну і тады заявіў, што мэтай прэзыдэнта Расеі Уладзіміра Пуціна зьяўляецца «узяць Украіну пад кантроль», і адзначыў: «Каб пацьвердзіць нашу падтрымку ўлады Украіны, мы можам зьмяніць разьлікі Пуціна і павялічыць для яго рызыкі».
Новая адміністрацыя ЗША на чале з Трампам прыступіць да працы пасьля інаўгурацыі новага прэзыдэнта 20 студзеня 2017 года.
